七夕誕女　加藤夏希榮升首任媽咪

恭喜恭喜！曾參演電影《大逃殺2》及日劇《花樣男子》嘅30歲女星加藤夏希，於日本時間昨晚7時19分誕下女兒，榮升首任媽咪！加藤夏希今天透過網誌宣布喜訊，透露囡囡接近6.9磅重，係一位「七夕女孩」，且母女平安，佢仲公開自己抱住B女嘅自拍照，興奮謂感到非常幸福，今後會為囡囡注入好多嘅愛，廣獲粉絲送上祝賀。加藤夏希於2014年6月跟網頁設計師拉埋天窗，並於今3月宣布懷孕，早前佢更涉足時裝界，推出孕婦服飾。