今午撞車　蔡思貝畀玻璃割損手：冇大礙

無綫小花蔡思貝下午獨自駕車路經金鐘夏愨道時發生交通意外，當時她駕車與一輛的士發生碰撞。蔡思貝接受電話訪問時表示：「同架啲士有啲碰撞，冇乜大礙，只係有少少嚇親。（有冇受傷？）車門嘅玻璃爛咗，畀啲玻璃割損咗隻手，其他就冇乜大礙。（有冇入醫院？）冇呀，因為只係割損咗，見冇乜事，救護車嚟到幫我治療咗，見冇乜大礙就冇去醫院。同的士司機大家留低咗聯絡，然後就離開，稍後再傾點樣處理。」