藝人蔡思貝今日出席Corum崑崙表活動，但她途中遇上交通意外，遲了四十五分鐘才現身。現場所見，思貝身上沒有明顯傷痕，她表示：「我唔係咁熟路，去化妝整頭時發生意外，同架的士有啲碰撞。（你架車撞向架的士？）大家一齊撞，我唔係太清楚，當時自己一個人喺架車上。（有冇報警？）冇，但有警察同消防車駛過，我架車嘅左邊玻璃碎咗，我有割傷，有少少流血，上咗救護車，救護人員好細心咁幫我清理身上嘅玻璃。」

問到是否第一次撞車？蔡思貝說：「係，第一次，以後會小心啲留意路面情況，我唔係好有駕駛經驗。（要去加鐘學車？）加鐘學睇地圖。（叫緋聞男友麥秋成做司機？）唔會啦！（佢有冇好擔心？）少少擔心。」問到她與《心理追兇Mind Hunter》同劇的拍檔楊明相繼受傷，會否覺得因為之前沒拜神所至？她說：「唔會。（唔信邪？）哈哈。」並笑着搖頭。