拒透露BB性別！陳琪預告10月剖腹生B

藝人陳琪佗B逾六個月，今日出席無綫劇《完美叛侶》之「完美愛情事件簿」活動，老公胡諾言亦到場陪伴左右。問到預產期幾時，陳琪表示十月中至十月底：「但都會擇日子，好似之前咁開刀生。」至於BB的性別，胡諾言就指先賣關子：「遲少少先講，有神秘感啲。」陳琪就笑謂到街市買餸時，不少人都踴躍地競猜BB性別：「佢哋見我肚臍凸，估係男仔，有啲就話我皮膚靚，估係女仔。」又指生完此胎會「收工」。

唔會效法陳浩民

談到陳浩民在網上公開幫老婆剃毛的相片，胡諾言就指對方有大膽創意，卻不打算效法：「雖然唔覺剃毛就代表愛，但都係幸福表現嚟！」而陳琪就指自己較傳統保守，拍這些照片會非常尷尬。