羅仲謙冬天衫拍街景熱爆　楊怡冧招解暑

藝人羅仲謙（謙謙）出席公開活動，明顯比之前消瘦，他透露近日為電視劇《無間道》開工：「開咗1個月左右，開咗1個月左右，街景居多仲要係冬天戲服，尋日着咗5件黑色衫。（係咪瘦咗？）我諗大概瘦咗十幾磅，不過上鏡啱啱好。」

首次演奸角的謙謙，自言於拍檔羅嘉良身上獲益良多：「佢演奸角好有自己一套，我咪邊拍邊學囉。（有咩方法解暑？）私家冰箱跟身，阿怡（楊怡）都有煲冬瓜水畀我，返到屋企又會幫我按摩。」

爆楊怡過「貴婦生活」

談到吳卓義有意成立工作室兼拉攏楊怡簽約，謙仔謂：「佢依家可以試多啲唔同嘅嘢，我無論係精神上同金錢上都會支持佢。」他又大爆太太楊怡的「貴婦生活」謂：「佢依家得閒行吓街、食吓飯、喺屋企跳吓健康舞，同埋籌備婚宴咁囉，OK嘅。其實我對佢唔住，婚宴8成以上嘅嘢都係佢負責，婚宴後我仲有兩套電影趕住要返內地拍，今年想去度蜜月都真係有啲困難。」