女子組合Super Girls（SG）出席V City為DSE考生放榜前舉行的打氣活動，五女表示正籌備新歌錄音，是一首講述失戀後「自愈」的歌曲。問到五女有否「被飛」經驗？五女坦言每個人都有，並爆出成員Jessica當年在外國讀書時，被外籍男友狠飛最痛，Jessica謂：「因為嗰時冇屋企人喺身邊，又冇朋友，好慘！」問到可知該位前外籍男友現在有否好結果，Jessica笑言：「最近知佢被飛，個女仔同佢講已經唔愛佢，所以，我都覺得係有因果報應嘅！」Jessica又笑謂失戀經歷可拍成MV，在旁的Cheronna聞言即舉手自薦當男主角，記者聞言即笑指Cheronna一身貼身裝束甚有女人味，扮男人欠說服力，Cheronna對此笑言：「咁可以着鬆身衫，或者唔一定要反串，可以扮Lesbian（女同性戀者）都得啫。」