【孕味濃】素顏林心如開懷喪食

20160712
東網電視
更多新聞短片
估唔到心如咁擦得嘅!
40歲台灣女星林心如與36歲霍建華喺520高調認愛,日前仲宣布婚訊,進展速度之快令唔少粉絲大為驚訝,更盛傳二人是奉子成婚。
無論如何,心如出嫁已經係不爭嘅事實,準備待嫁嘅佢,理應要keep fit保持美好身段着婚紗至係,不過心如就「唱反調」,胃口大增係咁食。佢喺Facebook上載咗幾張「為食」相,仲留言話:「也太好吃了吧,可以媲美某麻辣火鍋的雞腳耶!姐真的是感動到等不及直接素顏拿了雞腿就先拍照。開心。」心如咁好胃口,令懷孕傳聞更囂塵上。
舒淇葡萄
而心如好友舒淇見狀,即留咗幾個嬲嬲豬嘅表情符號,心如見到即留言叫舒淇快啲返嚟。而心如另一好友許瑋甯亦有留言,叫心如打包,可見眾姊妹感情非常之好!
而網民見到,除咗大讚眾姊妹感情好外,仲留言直問心如係咪懷孕:「素顏 愛吃...種種跡(迹)象表明你未來會是個好媽媽」。