畀陳瀅嗌「老公」？張振朗爆另有其人

藝人張振朗被指與陳瀅因合作新劇《全職沒女》而撻着，女方更被拍到稱呼他為「老公」，張振朗接受《東網》電話訪問，對於傳出緋聞，他笑言：「有睇番段片呀，都係得啖笑，我從來都冇叫佢做老婆，陳瀅係叫何雁詩做老公，唔係叫我囉。（佢同男友何猷亨分手？）真係唔知，平時開工冇講過感情嘢，等佢自己回應啦。（被指背住女友陳芷尤約陳瀅？）嗰日唔係特登約，係開緊工，我哋喺商場旁邊嘅酒店拍嘢，未埋位咪去咗食早餐囉。（芷尤有冇唔開心？）哈哈，要問番佢啦，我諗佢應該冇啩！」