夫妻檔拍劇？呂慧儀恨追女唔趕收工

藝人呂慧儀（長腳蟹）於《一屋老友記》中飾演巴辣港女，演出備受讚賞，亦有指她帶契老公黃文迪（Dickson）返無綫拍劇，長腳蟹接受《東網》訪問時謂：「其實佢都返咗去一段時間，之前都有拍《完美叛侶》。（兩公婆會唔會合作？）都要睇公司安排，我哋都未試過，所以唔知。（可以再演巴辣老婆，明恰老公！）咁又唔好咁講，角色選得好啫！」

胡定欣滕麗名冇不和

對於有指胡定欣淪為配角，嬲爆滕麗名並缺席多次活動，長腳蟹謂：「佢唔喺香港咋！之後我哋宣傳定欣都會出席，佢哋冇嘢，劇入面仲係好姊妹，依家套劇都好多新聞，都係好事，證明劇集好。」

生B睇個天

談到現時囝囝兩歲，問她會否想快些追多個時，她笑言：「有先得㗎！都welcome㗎！小朋友有個伴係好事，籌備吓先啦！不過依家湊一個都好攰，佢又好好精力，好好動！（快啲追個女收工？）梗係想，不過唔係我話事，個天話事，我唔會趕收工，我Welcome㗎！我鍾意小朋友，等個天安排！」