龔嘉欣搵男友人整車：搞到人哋唔好意思

無綫藝人龔嘉欣（Katy）自於鄧健泓分手後，一直專注工作，未有拍拖，不過就有指有位男士獨家揸住Katy嘅車，之前Katy更於微博大晒人哋送嘅花，十足有新男友般，不過，原來收花嘅微博已經係情人節時嘅事，《東網》記者致電給Katy，直問她是否有新男友時，她即笑謂：「梗係唔係啦！嗰個只不過係我一個朋友，我架車壞咗，叫佢幫我攞架車去整。（點解唔自己攞去整？）因為我之後唔喺香港，所以叫佢去我度幫我直接攞架車去整。我呢個朋友識一啲專做汽車生意嘅人，所以我搵佢幫手，我一個女仔點識呢啲嘢！我都覺得唔好意思，搞到人哋、搞到人哋屋企人。（佢有另一半？）佢有family㗎喇！我同佢太太都認識㗎！不過佢哋唔係圈中人，搞到人真係唔好意思囉！」