吉高由里子秘撻大倉忠義惹半同居疑雲

20160715
東網電視
更多新聞短片
吉高由里子被最新一期《Friday》雜誌踢爆搭上尊尼偶大倉忠義。
自完成NHK晨早劇《花子與安妮》相關工作後無甚亮相幕前嘅日本27歲女星吉高由里子,去年同樂隊RADWIMPS主音野田洋次郎分手後,原來已秘密投入了新戀情,對象係現年31歲嘅尊尼組合關西Johnny8(關8)鼓手大倉忠義。
據今日出版嘅《Friday》雜誌報道,吉高同大倉由今年3月起已三度被目擊到東京西麻布嘅會員制酒吧約會,6月再被發現結伴到大倉嘅家鄉大阪拍拖,而近期正忙住為舞台劇進綵排嘅吉高,本月初更連續多日被發現由大倉位處高級住宅區嘅寓所乘的士往開工,收工則坐事務所保姆車直駛男友寓所嘅停車場,似乎關係十分親密。
雖然雜誌未有提到兩人如何認識,但有粉絲估計大倉與拍拖兩年半嘅SDN48成員芹那分手後,可能是透過合作電台節目、與吉高同門嘅男歌手兼好友高橋優,或是跟吉高份屬好友嘅新片拍檔大島優子而結緣,而唔少粉絲都對兩人嘅緋聞抱歡迎態度。不過,尊尼事務所與吉高所屬嘅Amuse事務所,已則異口同聲否認拍拖。