畀人話肥咗!方媛練翹臀保天王嫂地位

20160715
東網電視
更多新聞短片
城城平時咁鍾意做Gym,有冇約埋女友一齊做先?
同天王郭富城熱戀嘅內地嫩模方媛(Moka)唔單止成日變面好難認,呢排佢又畀網民話肥咗!吓?肥!咗!喎!對女人嚟講絕對係件大事,更何況做得「天王嫂」,梗係要隨時隨地Ready戰鬥格見人啦。
呢日,方媛喺微博晒出一段健身短片,雖然條片好鬼暗睇唔清個樣,不過都見到方媛搏晒老命咁做運動Keep弗,喺片中深踎又趷籮,真係一啲都冇偷懶!佢仲留言:「其實我挺討厭別人說我胖的,所以一定要把自己虐虐瘦? 歡迎大家和我一起來瘦身、減肥 過程是滿痛苦的,效果也不是立竿見影,估計得要練3個月才能明顯看出來!哈哈」果然「天王嫂」唔易做呀吓!