年底約滿等傾續約　滕麗名諗定條件

藝人滕麗名（阿滕）接受電台訪問，提到近日憑劇集《一屋老友記》人氣急升，阿滕感謝網民支持，有指她大有機會奪年底的視后，阿滕笑說：「事前，唔係視后。（網民睇好妳？）好開心同多謝佢哋，其實好多劇都未出，11月先算啦。」年底將約滿無綫的她坦言未傾續約，阿滕說：「未搵我傾，可能唔要我呢。（續約換獎？）所以我咪覺得依家好開心，因為真係網民覺得，好有滿足感。（續約成數高？）OK，一定要畀我拍內地劇，要有自己度，拍內地劇學到好多嘢，令我知道喺無綫好幸福，因為好多嘢好齊備。」

嗌咪再播廿年前兒歌

對於有傳同劇演員胡定欣不滿戲太少及唔搶鏡，阿滕說：「我諗唔會。」隨即表示將缺席二十日舉行的劇集宣傳，她說：「我要去北海道拍劇，之前已經同劇組講咗。」由於節目中播出其二十年前主唱的兒歌《魔法咕嚕咕嚕》，阿滕說：「唔好再播，起晒雞皮。」她透露今次返港拍了兩個廣告，阿滕說：「係之前接落。」