朱千雪爆細妹恨識圈中靚仔：有叫我介紹

藝人朱千雪及鄭俊弘到九龍塘出席以手機遊戲人物為主題的宣傳活動，千雪表示：「由細到大，父母都唔畀我打機，因為我一打可以打好耐，試過搭飛機打三、四個鐘，又可以成晚唔瞓，所以到我大學先畀我玩，父母咁做都好㗎！」

提到黃心穎近日為失婚年多的家姐黃心美介紹相睇對象，千雪說：「我係三姊妹中嘅大家姐，我初入行時啲妹話圈入面好多good-looking男仔，有叫我介紹男仔，但都係講吓啫，佢哋都唔識中文。」

對於2012年港姐冠軍張名雅，近日被指脹爆，千雪說：「之前新劇食飯見過，唔覺喎，可能影相角度，又或者女仔間中少少腫正常嘅。（有指佢整容？）冇，佢選港姐都係呢個樣。」

鄭俊弘則說：「其實我唔打機，但就鍾意呢類公仔，幾漫畫化。（唔怕人話好女仔？）唔會，我有個匙扣都係呢啲公仔，係我自己買。（千雪話佢啲妹要佢介紹good-looking圈中男仔佢哋認識？）我冇份，我都唔知佢有妹添！」