新劇收視再報捷 定欣阿滕擺和頭酒贈慶?

20160715
東網電視
更多新聞短片
自從鬧出不和傳聞後,兩大女主角終於同場喇。
滕麗名與胡定欣於電視城出席無綫劇集《一屋老友記》公布收視報捷活動,劇集昨晚平均收視30點,最高31點,問到二人今日是否「破冰」,定欣笑謂:「唔見現場有冰囉!其實出席第一次宣傳後,由於唔喺香港,所以冇出席,我哋冇不和,劇集好有呢啲新聞都好平常,如果我哋繼續不和,收視繼續好都冇所謂。」
在旁的阿滕聞言即笑謂:「咁要諗吓計點樣繼續不和喎!」談到阿滕被封網民心目中視后,阿滕謂:「聽到我起晒雞皮呀!我冇諗過,我一年先拍一套,畀我enjoy吓啦!(係咪做少奶奶唔志在?)我都鍾意做少奶奶㗎!」網民熱捧阿滕做視后,問到定欣會否因而不開心時,定欣說:「我點會唔開心呀!我好戥佢開心,都戥所有呢套劇嘅同事開心。(好似畀阿滕搶咗戲)其實各有各戲份,唔會搶得走囉!」問二人會否出現「爭視后」情況時,她們同聲同氣謂:「唔會嘞!都係新聞啫!」之後她們又笑言要擺「和頭酒」,定欣謂:「都唔係和頭酒,只係見收視好請大家食飯。」阿滕又笑言:「我哋猜包剪揼,猜輸咗請食飯啦!」