無綫藝員許亦妮（Whitney）係2011年《香港小姐》季軍兼「最上鏡小姐」，樣靚身材正，當然引嚟唔少狂蜂浪蝶啦。今日Whitney喺微博上載咗兩張，疑似有「老闆」邀約飯局嘅私訊CAP圖，圖中嗰位「中間人」先開價50萬（港元）邀佢出席飯局，當中有人開價高達150萬（港元）㖭，仲叫Whitney快啲覆。

點都唔會應約

Whitney留言回應話：「150萬吃一頓飯？就算300萬，500萬，1000萬，多少錢我都不會考慮。第一，我不是這種女人！第二，我不會從這種途徑認識朋友；第三，我就算是窮到什（甚）麼地步也不會選擇從這樣的途徑賺錢！請大家別再問了，敬請別再詢問以及發送變態信息。有時候大半夜看到真的嚇死我的！謝謝。」唔少網友都力撐Whitney，仲讚佢態度正確。