江美儀陳敏之齊讚子華法拉專業

日前有捧黃子華舞台劇場的江美儀，接受《東網》訪問時得聞前晚觀眾席有人大嗌，即坦言感到驚訝謂：「其實係驚㗎！不過子華同法拉係啱嘅，show must go on，導演唔叫停，眾演員都要繼續。好似我之前演舞台劇，都有啲觀眾電話響、行嚟行去大聲講嘢咁，我哋唔應該畀呢啲嘢騷擾，不過佢哋今次比較驚啲，因唔知嗰個人留低啲乜嘢，但呢個情況我哋避免唔到，除非門外有人檢查背包或搜身，惟有希望大家唔會遇到唔開心嘅事！（咁驚會再去捧場嗎？）一票難求呀，我都冇飛，有都想去睇多次！」

同樣曾捧場的陳敏之則稱讚子華和法拉處變不驚：「佢哋好叻，呢啲事難唔到佢哋，如果我喺度，有乜依郁即刻跟老公走啦！好彩最後都係惡作劇，咪當小插曲囉！」