【神同步】胡定欣孖胡蓓蔚玩極速戰繩

近期因為無綫熱播劇《一屋老友記》而被傳同滕麗名不和嘅胡定欣，賴理是非，繼續力操Body！而佢今日仲拍住「胡說八道會」成員胡蓓蔚玩雙人戰繩（Battling Ropes），唔少網民都大讚神同步呀！

定欣喺Instagram上載咗條片，佢同胡蓓蔚一樣着住運動Bra top同Leggings，兩人各自揸住一條非常之粗嘅尼龍繩，左右手及雙手各鞭10下，仲係鞭鞭有力！雖然喺後段定欣腳步有啲唔穩，但係勁度依然十足，兩人最後仲一齊雙手舉V，同步率直逼定欣同田蕊妮喺《鬼同你OT》中嘅演出呀！之後定欣再晒咗張自拍，啲腹肌呀…馬甲線出晒嚟，真係很想要吧！

其實戰繩係可以鍛煉身體唔同部位嘅肌肉，就好似手臂、肩膊同雙腳咁，睇落好似好易，但同時需要身體協調有節奏地咁郁動條繩，腳步要穩手要有力，連續咁鞭，真係唔簡單㗎！