岑麗香冧讚男友愛打籃球好健康

藝人岑麗香（香香）與馮允謙到寶琳出席活動，大玩體感遊戲，展現運動細胞。香香透露自少已參與多項運動：「我平時都有打機，通常喺等埋位嗰陣玩，男友間中都有玩，但佢比較鍾意去打籃球，好健康！我讀書嗰陣都有玩壘球、排球、田徑。奧運項目我就鍾意睇體操，因為我細個都有學過，最鍾意睇平衡木、絲帶操，攞住啲波波好優雅，身形又好Fit。」

力撐巴西奧運

問到為何中途放棄體操？香香說：「其實細個父母搵好多嘢畀我學，想我揀自己鍾意嘅，我小學就已經揀咗籃球，不過我都鍾意睇冰上曲棍球。（想去巴西睇奧運？）睇有冇機會啦，我都知當地有寨卡病毒，睇情況，但點都會喺電視睇嘅！」