龔嘉欣傳撻着人夫　姚子羚認見過男方

藝人姚子羚在將軍澳邵氏影城為TVB Amazing Summer主題曲《乘風》錄音。談到她剛與男友歐遊回港，她表示與男方家人一同出發：「咁啱我套劇完咗有空檔，就可以同佢屋企人去歐洲。（融入家中？）其實我不嬲都識佢屋企人，唔陌生，今次仲識埋佢喺英國啲親戚。」問男友家人有否催婚？她表示沒有：「都唔使催啦！（就結婚？）都咁大個，我哋有默契架喇！（佢哋係咪叫你做阿嫂？）佢哋都係叫我子羚。」又謂跟他們相處時似與朋友般相處。

暫時冇婚期

問男友有否趁機求婚？子羚就笑指沒有：「希望下次再同佢去多啲Trip。（下次去旅行先至求婚？）唔係啦！」又謂自己休息多時，想盡快重拾工作：「所以結婚要等等先。」

唔知Alan結咗婚

談到同居好友龔嘉欣被指撻着人夫Alan，子羚表示不清楚事件：「你都知我飛咗啦，佢又忙，所以呢排冇乜溝通，等我嚴刑迫供吓佢先！」又謂與男方有共同朋友，所以曾經見面：「我又唔清楚佢有冇結婚，淨係見面會Say Hello。（怕朋友畀人呃？）要返去問問佢，再套吓料先！」