唐詩詠唔學張名雅晒愛：拍拖唔使霸地盤

無綫藝員唐詩詠與魔術師甄澤權在黃埔出席活動。唐詩詠小時候也學過魔術，但自嘲因為關節不靈活、左右不協調，故學習魔術失敗，加上她覺得表演魔術師要很好戲才能瞞過觀眾，自己沒有這方面的天份，但她覺得自己很適合做觀眾，魔術師會喜歡她的反應。

恭喜張名雅有戀情

講到前港姐張名雅宣布戀情「放閃」，唐詩詠表示：「恭喜佢。（你會唔會放閃？）我就唔係好習慣，因為平時已經要面對大眾，所以希望私人時間都有多啲私人空間。（唔使宣示主權？）唔使，呢啲好睇個人嘅決定，就算宣示咗對方都一樣可以出去玩，唔使話要放閃去霸地盤，拍拖夠Sweet就唔會動搖。」