自爆同居？熊黛林晒郭可頌背影嗌性感

名模熊黛林（Lynn）同未婚夫郭可頌原定喺年尾結婚，但因為工作關係所以要押後婚期。而之前Lynn被問到係咪已經同未來老公仔同居嗰陣，就話要留番少少私隱畀佢哋咁話！

不過今日佢就喺微博自爆有個男人為佢下廚，雖然佢冇開名，但除咗郭可頌，仲有邊個先？咁重要嘅一刻熊黛林梗係要影低呢個咁迷人嘅背影啦，佢仲公告天下同大家開心Share，佢留言：「會做飯的男人好性感。」照睇份嘢食，就似足早餐咁款噃！喇～咁係咪同居，學Lynn話齋，留番啲空間……畀大家幻想啦！