【三個女生去沙灘】陳瀅花花比堅尼晒身材

與賭王四太梁安琪兒子何猷亨蜜運的「宅男女神」陳瀅，近日傳出戀情告急，不過佢出席活動時已經否認。呢日佢同兩個朋友去咗溫哥華嘅English Bay（英吉利灣）曬太陽，心情靚靚嘅陳瀅喺社交網大派福利，上載咗兩張泳衣相，仲留言：「smell the sea and feel the sky, let your soul and spirit fly .」相中陳瀅着住花花比堅尼，趴咗喺沙灘上，纖幼嘅身形令唔少少女葡萄。而另一張，三個靚女手拖手跑沙灘，不過見到個沙灘好似好多垃圾咁，佢哋跑嘅時候好小心，全程望住地下，免得一雙玉腿受苦。