【洪永城慎入】詩詠餵馬明食嘢甜到漏

東網電視

洪永城，勸你真係唔好睇，驚你受唔住打撃…

藝人馬國明（馬明）與唐詩詠到北角出席剪綵活動，詩詠更即場炮製蛋糕給馬國明品嘗，他試味後笑說：「好甜呀，甜到漏。」

馬明為女整禮物

詩詠透露試過親手整過一次蛋糕，但並不是為男友洪永城而整的，而是送給朋友。問到會否為洪永城親手整蛋糕？她說：「唔會，整蛋糕好難，要再練習吓。（叫洪永城整蛋糕畀你？）唔會，佢唔識煮嘢食。」問到馬明可有為女仔親手整蛋糕？他說：「整蛋糕就未試過，整啲小禮物就有，自己整嘢食唔叻，因為我同阿媽住，靠晒阿媽。」

馬明借緋聞吸金

問到馬明將來有何打算？詩詠則說：「以後有老婆照顧，有㗎喇。」問到馬明是否已經有女友？他說：「我好多緋聞，不過依家拍緊呢套《心理追兇》就暫時未有緋聞，套劇好多女仔，有湯洛雯、楊秀惠、蔡思貝、王君馨。（咁你想同邊個傳緋聞？）我都唔知呀，或者四個傳晒，之後每人一齊做一單活動，咁都幾好賺。」

讚馬明有住家男Feel

而唐詩詠近期頻頻出席活動搵真銀，問到與馬國明這個組合會否收得特別貴？馬國明笑說：「梗係特別貴。」詩詠則說：「今次係第二次一齊做活動，都係一年一次，貴精不貴多。佢形象又好有住家男人（感覺），我平時都會做家務，吸塵、打掃、買日用品都係我負責，因為女仔細心啲同埋會講價。」

on.cc東網