冇機復合？彭懷安拒孖朱慧敏合照

藝人彭懷安到其有份的西環華星客棧，為前未婚妻朱慧敏拍攝節目而打點，記者要求二人合照，但二人婉拒，彭懷安解釋二人分開工作，自己以股東身份到餐廳打點，強調二人只是工作拍擋，經常一同開會。

問到不怕傳復合？彭懷安表示：「隨緣啦，工作先，好多嘢好難，唔係想就等於係。（你唔想定佢唔想？）冇呀，順其自然，享受單身。（目標？）華星冰室。」他透露今年會拍更多的劇，亦將與小朋友一同做舞台劇，他說：「我好鍾意小朋友，視生小朋友為目標，但要先拍拖，如婚，先再生到小朋友。（你眼前咪有朱慧敏？）一切隨緣，怕畀大壓力，都唔係好事。」