直認關係退一步 陳瀅暗示與猷亨分手

20160720
東網電視
更多新聞短片
講到咁,其實都已經好明吓。

藝人陳瀅在上環出席活動。最近有指她與何猷亨分手,剛在加拿大探親十日後回港的她,面帶微笑及神情輕鬆,在訪問中承認二人關係「退一步」:「我哋兩個都想低調處理感情事,低調唔講就會令到有好多唔同嘅猜測。其實件事好簡單,冇報道複雜,只係兩個成年人想做嘢先,以事業為主,將感情退後一步。(因為逼婚?)絕對冇,都有少少勞氣,從來都冇講過呢件事,自己都未Ready結婚。」

她又表示現時以另一種關係關心對方,與對方的關係是好朋友:「當我哋都Focus落做嘢度,但大家都偏偏好關心我哋感情上嘅嘢,間接上會畀到壓力,我哋都唔想有呢個壓力,所以用另一種方法關心對方。我哋兩個都係工作狂,我哋都係想做嘢先。」問會否覺得可惜,她就指不會:「因為真係太大壓力,依家兩個都舒服啲、開心啲。(佢提出定你提出?)冇講得咁仔細嘅!(關張振朗?)好無辜!我與對方的關係係好朋友一齊拍劇咋!佢會畀人扭耳仔!」又謂男方是圈中少數男性好友。