林芊妤腳傷照晒噴血比堅尼

擁有34D嘅藝人林芊妤（Coffee），早前喺微博自爆雙腳撞到珊瑚受傷，搞到又紅又腫，之後佢耳背又撞損，真係禍不單行，事隔多日傷口仲未好番。雖然係咁，但係佢不忘喺IG晒比堅尼派福利。

今日着住灰色比堅尼嘅Coffee，企喺鞦韆上，認真煞食，佢留言：「珊瑚原來真係好毒，過左（咗）成個星期…反而變左（咗）濕疹咁樣，仲有好多水泡（唔想見人），晚晚都半夜痕到醒，醫生話組織感染，其實我真係無諗過會咁嚴重，仲要食咁多藥，不過希望在明天cheer up…I will be fine .」嘩！好似好嚴重喎，希望佢好番之後唔會有疤痕喇！