【自信Mode】歐陽巧瑩骨子裏散發性感

擁有34C完美Body及小麥色亮麗肌膚的歐陽巧瑩，時常在網上大騷性感靚相，卻換來靠身材上位的指摘。對此，她直指無需刻意賣弄：「因為我的確係一個性感嘅人！」而獲封為「咪神」的她，卻指自己最滿意是她的均勻美腿，並非其驕人上圍。

自然散發性感味道

擁有小麥色性感肌膚的前港姐歐陽巧瑩（Tammy）時常社交網站派「朱古力冰淇淋」，雖然令一眾宅男熱血沸騰，但卻換來恃在有本錢而賣弄身材的聲音，對此，擁有34C Perfect Body的她就直言最重要是相片具美感：「我唔介意外界覺得我係靠性感上位，因為我的確係一個性感嘅人，所以唔使刻意去賣弄，好自然骨子裏會散發出嚟，好似鍾麗緹、謝婷婷咁。」更謂身材同五官同樣可以見人，亞洲審美觀比起歐洲地方保守：「好似Rita Ora半裸影封面，都冇問題㗎，最緊要係靚同有味道！」

最自豪雙腳夠瘦

雖然Tammy獲封為「咪神」，但她卻不認為自己已經達到完美，同時有不少改善空間：「我由細都大都係喺泳隊操水，胸肌好發達，同胸形集中嘅女仔唔同，我胸形係大範圍，周圍都係肉！同埋Pat Pat永遠都係我弱項！」所以會經常做腿部動作，希望最終可練成歐美女性的豐滿翹臀。而身體最滿意的部分，她即指最喜歡自己雙腿睇落夠瘦：「就算上身肥咗啲，淨係露番對腳都會覺得我成個人幾瘦！」

曾經在無綫節目《3日2夜》中大賣青春活力的Tammy，亦即將再為節目披上三點式泳衣上陣，更會在韓國的保寧泥漿節大玩泥漿摔角，展示「異色」性感，令人期待。她笑謂：「我睇資料見到啲人都玩到成身好似美國自由神像咁嘅色，望落好怪，但同監製同導演傾過，最後決定唔理形象豁出去，有幾癲玩幾癲！」希望在節目中可以表現真我，令觀眾更了解既性感又有性格的自己。

最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment