李亞男小六身高米七　鍾意祖藍有愛心

藝人李亞男近日接受內地節目訪問談及與老公王祖藍相處趣事，講到兩人的身高差距，李亞男指反而是兩人走在一起的契機，她小時候因長得太高而自卑，她說：「我12歲已經一米七，小時候班級排隊，我站喺最後一個，相信祖藍應該排第一，我哋就有呢個反差，但我就因為太高知點解自卑。」

祖藍的矮個子反而令他更「出眾」，李亞男說：「第一次見祖藍，佢好似一個主席，喺度指揮大家。但因佢唔夠高，佢要站喺一個台度指揮大家做事，好有趣。後來發現祖藍好好、好有愛心。」李亞男又指兩人拍拖時沒有因身高而有過困擾，她認為感情沒有固定模樣、步驟，身高又算什麼。

李亞男透露和祖藍結婚一年多一直和奶奶一起居住，祖藍與媽媽十分相似，李亞男有最深切的體會笑說：「有次我發夢見到奶奶，原因係祖藍同奶奶太似樣，我將佢哋兩個樣混合咗。」李亞男與奶奶相處融洽，她為自己定立一個標準「乖兒媳婦」，平日會幫奶奶辦事買東西，尊重之餘像朋友一樣相處，她說：「對佢個仔又好、又尊重佢嘅媳婦，奶奶又點會唔鍾意呢。」