認與袁偉豪不和！君馨：企佢隔籬壓力大

藝人袁偉豪與王君馨（Grace）宣傳新劇《城寨英雄》，兩人一起接受訪問，講到被傳不和，袁偉豪笑言：「係呀，我唔同Grace一齊接受訪問，因為我要放假喇，同女友岑杏賢去溫哥華，8月頭返嚟先至可以做訪問。（傳你擺款？）點會？我哋同一個經理人，約訪問都要公司同事安排。大家可以走得埋一齊拍劇，命水嚟，個個都係朋友。」

Grace則謂不覺袁偉豪擺款，她說：「我覺得冇嘢喎，其實我同佢傳唔到緋聞，咪傳不和囉。係呀，我選港姐時已經唔鍾意袁偉豪，企喺佢隔籬壓力都大啲，佢身形太靚！（有冇心病？）我點傳都唔驚，即管嚟啦！」