肚凸凸出騷　林心如繼續唔答有冇懷孕

台灣女星林心如與台灣男星霍建華喺今年「520」公開認愛，感情發展一日千里嘅佢哋，今個月初突然宣布即將結婚，因而有網友揣測林心如係奉子成婚。而林心如今日喺北京出席內地電視劇《秀麗江山之長歌行》嘅發布會，被傳懷孕嘅佢腹部微隆，上圍更有升Cup迹象。着上三吋高踭鞋亮相嘅心如，由劇中拍檔袁弘一直肉緊扶到實，孕味相當濃！不過，當在場記者求證佢有冇懷孕，林心如迴避問題，只表示：「《秀》就是我懷了三年才生下的寶寶。」佢亦透露婚禮正在籌備階段，但冇講詳情，繼續保持神秘感。

此外，問到佢同霍建華點樣開展戀情，低調嘅林心如指兩人嘅感情自然發生：「我們是十年的好朋友，沒有誰追誰。」至於，其未婚夫霍建華同樣身在北京，林心如就話佢哋冇見到面，仲表示唔抗拒同霍建華合作，睇嚟有望見到佢哋「夫妻檔」演出幕前喎！