與千嬅交流湊仔經　鎮宇要仔仔做阿四

吳鎮宇和楊千嬅在新戲《寶貝當家》飾演夫婦，戲裏戲外都為人父母的他們，對於時下家長多數會叫子女補習，鎮宇坦言不喜歡：「但係畀佢補習都好，因為佢哋一冇schedule就會hea。（有幫佢報？）佢鍾意先至報。」又笑指會叫現時讀小二的囝囝Feynman落街買東西做「阿四」，好讓他學習解決難題。

千嬅則笑指讀K2的囝囝Torres試過一手撳她的頭落水：「我話你明知媽媽唔識游水，佢話『So you need to learn』。」最後發現囝囝見父親丁子高做法有樣學樣，故她已叫老公注意行為。