甄澤權大玩銀紙變煙冧死女！

魔術師甄澤權（Louis）日前為無綫節目《街頭魔法王之魔王之王》到韓國拍攝外景，回港後更意猶未盡到韓國餐廳向食客即席表演自家製街頭魔術。望到一班女食客準備埋單的他，就向她們借了一張「紅衫魚」，更在銀紙上畫了一支香煙。當大家在猜想他下一步打算做甚麼時，他即捲起那一百蚊，再用口叼住它以火機輕輕燒，竟然可以吹出白煙！最後他攤開原好無缺的紙幣還給食客時，她們即發現本來畫在紙上的香煙消失不見，大感驚奇！

談到赴韓拍攝趣事，與陳凱琳等出發的Louis即表示到跳蚤市場拍攝時，竟遇到當地人收保護費：「佢哋阻止我哋拍攝，好在阿Bob（林盛斌）同翟威廉調停，畀咗少少錢擺平件事，大概係30蚊港紙左右。」而他又指節目中會與當地魔術師交流，更發現當中有人曾收睇自己的節目：「佢哋都好有特色，有個魔術師就會去汗蒸幕表演，我覺得難度好高。」問到會否收徒弟，他就表示將來會有比賽揀出「小魔王」：「會教佢嘢，但要睇佢有冇天份、有冇心學，先至收佢做徒弟。」

場地：NORAYO K.Cafe

化妝：Carol P. Wong