撞日首播 松嶋菜菜子新劇收視不敵高島禮子

20160722
東網電視
更多新聞短片
松嶋菜菜子同高島禮子嘅新劇撞日推出,收視方面由高島先勝一仗。
日劇天后松嶋菜菜子相隔3年嘅新作《營業部長 吉良奈津子》昨晚於日本首播,適逢女星高島禮子擔正嘅刑事劇《女人們的特搜最前線》撞日推出,儘管並非同時段打到正,但日前就有傳菜菜子擔心會被搶去風頭,事關高島近日因為老公高知東生涉毒而成為新聞人物,其主演劇亦幾經困難才出到街。
在今季日劇收視普遍低迷嘅情況下,菜菜子即使密密宣傳,新劇最終只能取得10.2%嘅成績,反觀高島更勝一籌有11.6%。有網友大讚現年42歲嘅菜菜子仍然Keep好好,另有人對佢所扮演嘅女主角為一己工作意慾而唔照顧小朋友嘅行徑表示反感,至於日前驗尿已證清白嘅高島,則得到唔少觀眾嘅打氣。