【今次冇人鬧…】官恩娜車廂餵母乳勁有愛

唔少女星做咗人母後都會喺網上日晒夜晒，不過佢哋唔係晒自己個Body有幾靚，而係晒家中BB有幾萌！好似歌手官恩娜（Ella）喺2015年10月誕下囝囝BéBé G後，囝囝唔經唔覺大得好快，依家佢已經9個月大喇！所以Ella都要喺Instagram紀念一下囝囝嘅成長過程，佢晒出一張喺車廂中餵哺母乳嘅相，仲留言：「和你在一起就是世上最幸福愉快的事情 #loveofmylife #9months」早前Ella就大呻喺酒店更衣室餵母乳時畀人侮辱，今次改喺私家車車廂入面餵，一定唔使怕畀人投訴啦！