由影帝黃秋生及余安安合演的莎士比亞喜劇將於九月公演，兩人接受有線節目訪問時分享舞台劇趣事，余安安表示與三料影帝秋生首度合作舞台劇並冇壓力：「可以同秋生合作，我覺得好幸福，就算有壓力都係來自劇目同自己，唔關佢事。」

被要求操腹肌演出

對於被導演要求操練六塊腹肌，秋生大呻：「導演真係整蠱我，點可能練到有腹肌？需要好長時間練，瘦咗已經好好啦！」秋生於03年創立劇團，背後原來有一遠大理想，他表示：「我希望將香港舞台變成百老匯劇場，人人都爭住嚟香港睇舞台劇，依家第一步係做好自己先。」近年醉心舞台劇的余安安，同樣盼望香港舞台劇發揚光大：「愈多人參與舞台劇愈係好事，我哋期待培育更多新血。」

學識凡事慎言

秋生曾感嘆香港電影大不如前，他說：「二十年前我已經講過香港電影就嚟死，不過當時啲人當我傻，結果依家（講）真係死得。」秋生已三年沒有拍電影，但他仍樂觀面對事業低谷：「當然會有情緒、會焦慮，但我會搵朋友傾偈，增值自己，仲要重組自己，睇吓點可以堅強行落去，好多人街頭見我街尾走，但我接受呢啲係人性，唔好怨任何人，相反亦有好多人支持我，冇離棄過我。（因過激言論而影響事業？）總之依家我唔再講嘢，淨係專注做好藝術，我好細膽㗎咋！從來唔敢言！」余安安在旁笑言：「佢係直言，唔係敢言！」