小S與老公合體　帶囡囡微服出巡行夜市

台灣女星徐熙娣（小S）自從辭去節目《康熙來了》後，一直自稱「失業」，閒時大部分時間都是與三位千金享受家庭樂。近日佢終於都有新節目出街，不過小S仍不忘與囡囡s繼續家庭樂，今次更加與大忙人老公許雅鈞合體，帶囡囡s一家五口微服出巡行台灣夜市。愛網上大晒生活照嘅小S，當然唔會放過今次機會上載合照，她寫道：「跟老公帶孩子去通化街夜市玩！」而最離奇係明明一行五人去行夜市，但偏偏冇一張合照係齊人，唔知關唔關小S嘅自拍技術事呢？