毛舜筠即席炮製流心蛋　祥仔只肯畀75分

黎耀祥、毛舜筠（毛姐）及郭少芸等出席《愛·回家之八時入席》宣傳。由於下星期劇情將交代毛舜筠開始為黎耀祥監製的電視節目充當主持，活動上毛舜筠一展廚藝，炮製半熟流心蛋，黎耀祥試食後讚口不絕。據悉首天拍攝煮食戲份時，毛舜筠不慎割傷手流血仍繼續開工，態度專業。

想完成巴黎藍帶課程

現實生活中，毛舜筠已有21年「煮齡」，她說：「當初同老公拍拖開始學煮飯，依家就想身邊人食到好嘢開心啲。我去過巴黎讀藍帶課程，仲欠一個學期先畢業，無論如何明年要飛去完成埋去。我想出烹飪書，同做吓飲食節目。」然而她未有打算投身飲食業，因嫌太困身。

想大女學廚

談到日前家庭樂，兩位女兒被拍下照片，毛舜筠謂：「大女同我講，點解有人影相自己發現唔到。佢返嚟放暑假，但我要開工陪唔到佢，有少少唔開心。佢出年畢業想全家歐遊，今年聖誕就全家去一次日本先。（佢有興趣入行？）冇，佢會再讀多1年教育，我就想佢去埋巴黎學廚，學吓做人點樣享受人生，煮得一手好菜，亦係人際關係最好嘅溝通橋樑。」

祥仔鍾情中菜

黎耀祥受訪問時自爆「師承母親」，所以自己亦煮得一手好菜，他說：「我同佢（毛舜筠）唔同派別，一佃武當、一個少林，學廚通常係學西餐，我就鍾意煮中菜。我阿媽煮嘢食好叻，過時過節自己整年榚、包糭。（遲啲同毛舜筠合作主持飲食節目？）都好喎，等佢學成歸來先啦。」他笑言給她對方的流心蛋75分：「扣咗25分係略嫌菜式簡單咗啲啫。」