畀陳豪「激嬲」　邵美琪收花當無數

藝人邵美琪（Maggie)、陳豪（阿Mo）及張彥博等於荔枝角宣傳無綫劇集《完美叛侶》。當中在劇中「激嬲」太太邵美琪的陳豪獲安排向對方送花，戲外出名「愛妻號」的他即笑言：「好易啫！氹老婆咋！」令Maggie哭笑不得！

首次現身劇集宣傳活動的Maggie開玩笑稱因與陳豪「反目」而缺席宣傳：「我嬲咗阿Mo，佢（劇中）唔同我say sorry，有佢冇我。我哋跟住劇情發展宣傳，其實我之前忙做其他嘢而冇嚟。」她透露目前忙於拍攝內地劇集及準備於上海公演的舞台劇：「希望到時套舞台劇有機會嚟到香港做。」Maggie直言無綫亦有找她洽談其他劇集上的合作。

她又言早前抽空出埠去旅行散心：「雖然我喺香港已經好舒服，但始終想出吓埠。（歐洲情況好亂，例如德國火車有傷人案？）我唔係去嗰邊，但知道件事都會想問點解會咁樣。」