蔣雅文寫書爆情史:老公睇到皺眉

20160724
東網電視
更多新聞短片
蔣雅文話佢呢本書大爆情史,搞到佢老公(紅圈右)睇到都皺晒眉。
已移居台灣的藝人蔣雅文(Mandy),為首本相集加散文集《圖文不符》回港現身書展與粉絲見面,她表示一直有出書的打算,但拖到今年才推出,又指本來預算只會寫5萬字,最後卻寫了8萬字:「因為我冇寫書嘅經驗,好難預計寫到幾多,寫寫吓搵番好多原本唔記得嘅回憶,所以愈掘愈多。」問到回想起最特別的回憶?她指當中有自己的戀愛史:「初戀對每個女仔嚟講都好特別,雖然我初戀冇拖過手同錫咀,但係第一次接觸愛情,就算冇驚天動地嘅嘢,但係對我嚟講係人生重要嘅階段。」
想嘗試做飲食生意
至於老公可有看過?Mandy笑謂老公看的時候忍不住皺眉:「我同佢講係好耐之前嘅事,唔好當真,我另外有篇講前度嘅就抽起咗未畀佢睇,入面都有關於老公嘅嘢,相識經過、結婚、同佢將來嘅計劃,佢嗰啲係入面佔最重比率,有6千字,當補償番,佢嗰篇我都未畀佢睇,當驚喜,好似情書咁,希望佢條氣會順番。」她又指老公這次沒有同行,因為要留在台灣看舖。問到與老公將來的計劃?她坦言:「有講生小朋友,亦都有講工作上嘅嘢,我哋依家有服飾店,都有可能試吓做埋飲食,因為我哋都鍾意食。」