陳展鵬狗狗甩骹送院：唔敢同屋企人講

藝人陳展鵬於黃長興的西式海鮮餐廳，出席無綫新劇《乘勝狙擊》煞科宴，姍姍來遲的他謂家中的狗狗出意外要將牠送院，他說：「甩咗骹，初初以為佢拉傷，今日帶佢睇醫生，屋企人去晒旅行，又唔可以畀佢哋知，驚佢哋以為係我整到隻狗咁。」

今日請食飯的展鵬表示，拍劇時演員與監製已輪流請大家吃飯，但自己當時忙於拍劇未有空，故今晚「找數」，笑謂要灌醉長興而「收平啲」。

展鵬透露八月將考電單車牌：「想考好耐，一直冇時間，拍劇自己揸會好啲。」又指已獲贊助學車。