阿Sa應網友要求　晒比堅尼正面照

今日熱辣辣，蔡卓妍（阿Sa）就出海同陽光玩遊戲，佢仲喺ig晒比堅尼嘅背影相，引死一班網民，仲跪求話要正面相添！

唔知阿Sa係咪聽到粉絲嘅訴求，佢即刻喺微博晒出正面照，佢上載大量靚相留言：「我最喜歡夏天的其中一個原因就是可以跟陽光和大海玩遊戲，幸好我有一班跟我有一樣愛好和一樣瘋的朋友！」佢仲爆啲靚相係邊個操刀影嘅，原來個攝影師就係關智斌呀，阿Sa仲話要畀佢100,000個讚呀！

睇番啲相，阿Sa依家33歲，但佢個身形依然咁fit，要長腿有長腿，要玉背有玉背，要靚股有靚股，要事業線有事業線，要咩有咩呀，索到冇朋友！之前，鍾欣潼（阿嬌）去咗做陳妍希姊妹團，網友一致封佢為「最索姊妹」，依家睇番阿Sa啲泳裝相，真係唔會比阿嬌差！一向比較保守嘅阿Sa今次全方位晒身材，網民開心之餘仲話：「等咗五百年終於等到！」

最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！

最強娛樂APP「東網巨星」下載連結：

http://on.cc/redirect/entertainment