彭懷安扮唔記得夜蒲舊相識Crushy

藝人彭懷安（Eddie）、溫家偉及許家傑到銅鑼灣出席活動，交流投資飲食生意的心得。

食齋冇咁暴躁

Eddie早前被拍到與生意拍檔兼舊愛朱慧敏（Queenie）外出食飯，他說：「同佢多咗見面，溝通多咗，關係幾健康。（佢同傳媒否認同你復合？）佢係話『隨意，冇嘢冇可能』，仲話學佛，我有睇㗎！（你同佢依家感情關係點樣？）好朋友！我都食多咗齋，起初係陪佢，後來覺得食齋之後，個人精神咗，冇咁易暴躁，後來我自己去佛堂唸經、抄經，又做埋義工。」

讚朱慧敏係好女仔

問到朱慧敏會否因此對他改觀並加分？Eddie說：「加唔加分要問番佢，但佢喺我心目中不嬲好高分。（想復合？）隨緣，佢係一個咁好嘅女仔，我都要做好啲！（會唔會介紹夜蒲舊相識，參加過ViuTV真人騷《慳D啦Honey》嘅參賽者Crushy返佛堂？）邊個呀？嘩，你唔講，我都唔記得，所以唔會講。」