《韓劇榜》：《38師機動隊》變救世劇

呢個禮拜嘅《韓劇榜》唔再推介偶像劇，改為推介OCN電視台嘅《38師機動隊》。呢套劇嘅題材夠晒吸引，主要係講馬東錫飾演嘅稅務廳38機動隊科長，點樣聯同飾演騙子嘅徐仁國一齊追番啲稅，不過手法就全部都係偷呃拐騙，都幾特別㗎。

而今集介紹嘅綜藝節目，係《我們結婚了》，呢排呢個節目再度人氣急升，事緣韓國近日大熱嘅男歌手Eric Nam加入做假想夫妻，而且仲要勁識得氹女人，帶挈節目收視升之餘，佢自己仲多咗個「國民老公」嘅封號。

而今集主播Sara繼續有好介紹，就係原來韓國都有得玩Pokémon GO，不過地點只限兩個地方，到底係邊兩度？快啲睇片跟Sara學嘢啦！