自爆回復自由身　陳嘉寶恨拍電影

藝人陳嘉寶出席首飾店開幕，戴上金器的她表示母親節有送金器給媽媽，令老人家安心。她更自爆已離開舊公司，回復自由身，她表示：「媽咪驚我冇嘢做，我依家有朋友幫我手接job，我想向電影發展，有幾間電影公司傾緊。（點解離開公司？）因為約滿，想拍電影。（有咩要求？）發展好，我想試唔同角色。」

簽約無綫？

提到拍了不少無綫劇，會否簽無綫？她表示：「係好平台，我鍾意拍無綫劇，有劇都想拍，係友好關係。（會簽？）自己思索緊。有幾間公司傾緊，有內地。（簽你要幾多位數？千萬？）想呀，愈多愈好。最重要睇發展，想有人幫我plan。」問到會否先結婚？她表示要先儲錢買嫁妝，自己要有本事及自立。

等謝安琪自己公布

問到好友謝安琪是否有喜？她表示：「冇問，咁敏感，以佢性格開心嘢會公布，祝福佢，有咩喜訊會更開心。」