推7位數Job　馬浚偉演徐志摩咀萬綺雯

馬浚偉、萬綺雯及羅敏莊等，出席主演舞台劇《偶然，徐志摩》記者會，宣布該劇將於11月3日開始，假演藝學院公演4場，而8月初再考慮會否加場。

今次馬浚偉負責劇本、監製及演員等工作，樣樣親力親為，且推掉了酬勞超過7位數字的工作，至公演前專心一意投入演出的各項籌備。他不諱言：「冇咗7位數，舞台劇演出酬金只係靠近6位數，而兩位女主角嘅酬金已盡量畀高，但如果唔係鍾意舞台劇演出，佢哋根本唔會接演！」

左擁右抱

扮演詩人兼「中國第一離婚男」徐志摩的馬浚偉，先後與「正室」羅敏莊、「第二任夫人」萬綺雯，以及兩位扮演其初戀情人的演出發生感情瓜葛，可謂左擁右抱，戲中更不乏咀嘴及床戲，問到他可擔心返家被「扭耳仔」？他謂：「做戲啫。我又識得佢哋兩個嘅老公，大家嘅工作都同舞台有關，所以明嘅。」

齋與羅敏莊上床

萬綺雯及羅敏莊則取笑馬浚偉假公濟私：「劇本每逢有咀戲，佢都寫得超級浪漫、極度浪漫咁囉。」馬浚偉即謂：「可能我仲執緊劇本。最傪係羅敏莊，因為我唔愛佢，只係想同佢生仔，所以齋同佢上床，冇得咀嘅。」