與Ana交換湊女心得　JC怨安志杰無暇結婚

「警鐘胸」Jessica C.及Ana R.兩位名模媽媽一同出席活動，JC穿上胸前透視Deep V短裙，非常性感，Ana亦露出香肩。二人於活動上為一名小女孩裝身，母愛大發，並表示平時愛為女兒裝身。

Ana替女兒穿耳

Ana希望為逾七個月大的愛女Maya買耳環：「西班牙人傳統會喺BB出世一個星期內穿耳，不過我老公話覺得太細，所以冇做，不過我遲早都會幫佢穿。」而JC亦表示：「因為中國傳統要幫BB剃胎毛，Andy（安志杰）想，但我唔係太想見到。我同佢講我想幫囡囡Tessa穿耳，大家平衡番，不過暫時都仲未剃頭。」JC又笑言四個月大的Tessa只有很少頭髮，Maya則有很多頭髮。二人不時會交換湊女心得，包括吃甚麼會有更多母乳、穿甚麼衣服、新手媽媽如何重投工作、產後情緒等問題。問JC可有產後抑鬱？她說：「有少少，不過我好開心，好快投入工作。」

產後要時間調理

性感上陣的JC，明顯肚凸凸，問是否再有好消息公布？她笑言：「我都曾經擔心過，不過唔係。我依家努力減肥，不過我仲餵緊人奶，要食嘢確保有足夠營養，都係做媽媽重要過模特兒工作。」Ana即為JC解話，表示生育後經期會失調，因為佗B多個月令身體起了變化，要花相同時間才能復原。問JC可想再生BB？她坦言：「想！不過我想身材好番先。（Andy呢？）佢想，佢聽到BB就興奮。不過佢講就易，又唔係佢生。」Ana建議最少待Tessa懂得走路及說話後才會計劃再生，但JC說：「好多嘢都預計唔到。」問Ana可有追多個計劃？她透露曾與老公談及此問題。

JC在美補擺婚宴

另外，JC透露Andy工作非常繁重，於內地接拍電影、電視劇，還有一系列宣傳工作，努力賺奶粉錢。她說：「佢忙到連我哋嘅婚期都定唔到，但因為要就佢嘅工作檔期，所以仲未定到日子。（想喺邊度搞？）應該會返美國，因為家人喺嗰邊，不過喺香港都會同朋友食餐飯。」