林文龍爆宣萱同無綫簽長約：佢想做羅蘭

藝人林文龍和宣萱在蘭桂坊出席無綫4K新劇《不懂撒嬌的女人》拜神儀式。原來二人入行廿年才首度正式合作，該劇已經開拍了三個星期，宣萱指台前幕後士氣爆燈：「拍完呢個真係返唔到轉頭！」林文龍聞言即笑謂：「可能佢簽咗長約，我就未簽，佢準備做下一個羅蘭姐！」面對幽默的林文龍，宣萱笑謂：「冇佢真係冇咁多歡樂！」

談到高海寧拍攝該劇時因壓力太大而爆喊，林文龍表示看到報道才知道，事後亦有與對方傾偈：「因為佢呢幾年嘅角色都大同小異，而佢第一次接觸呢種角色，所以拿捏方面有啲吃力。佢係新人（小編註：相對林文龍嚟講），對自己有要求係百分百應該。」佢又稱讚對方有好多進步空間，而宣萱亦力撐高海寧為角色花了很多努力。