【咪神輸波？】高海寧失控喊唔停嚇窒詩詠

藝人高海寧和唐詩詠在蘭桂坊為無綫4K新劇《不懂撒嬌的女人》拜神，唐詩詠以激罕低胸火紅色吊帶裙上陣，比一向以性感見稱嘅「咪神」高海寧更有睇頭。

喊到收唔到聲

談到最近高海寧被影到因拍劇壓力太大而在唐詩詠面前爆喊，高海寧談及此事時坦言感到尷尬，並承認情緒比之前好得多：「我係忟自己做唔到！」唐詩詠則指自己猶有餘悸：「諗住收工問佢搭咩車，佢就爆喊，我仲諗係咪我做錯咗咩，我都係第一次見到女仔喺我面前喊！（點令佢收聲？摑佢？）佢好似冇收過。」

謙稱幼稚園程度

高海寧指自己其實喊到返屋企，談到林文龍等激讚她認真，自比演技如讀幼稚園的她就指眾前輩是「大學生」：「對住佢哋唔敢唔畀心機！」唐詩詠就指對方已經「入戲」，非常投入角色。