開工帶囝囝　張慧儀身教：畀佢知做嘢唔易

藝人張慧儀在尖沙咀出席新戲《我們的6E班》煞科宴。在戲中演新移民的她就指角色帶有悲劇色彩，又指角色令身為人母的她特別動情：「其實佢哋都有搵過囝囝喺戲度做我囝囝，但佢就話唔演，第一佢話對住鏡頭會笑，第二我唔會畀個（片中）爸爸咁對我媽媽（家暴）。」所以覺得他甚有主見。

談到快將北上拍劇，她表示如果順利在囝囝開學前開拍會帶埋他開工，問會否母子檔開工，她指拍攝廣告等玩票性質工作可以，但連續劇則不太考慮：「其實我傾生意都帶埋佢去，佢都識斟茶同搬櫈，一來可以等佢見識世面，二來我可以身教，畀佢知媽咪做嘢唔易。」更指囝囝會做家務，非常乖巧。